O‘zbek tili bayrami bilan yurtdoshlarimizni tabriklaymiz! / / Sanitariya va ekologiya sohasidagi qonunbuzarliklar to‘g‘risida maʼlumot olish uchun Telegram-bot ishga tushirildi / / 1354 yilda sanitariya va ekologiya sohasidagi qonunbuzarliklar to‘g‘risida hisobot / / Milliy gvardiya Ichki ishlar boshqarmasi bilan birgalikda sanitariya va ekologiya sohasidagi qonunbuzarliklarni aniqlash bo‘yicha reydlar o‘tkazmoqda / / 22-sonli “Mehribonlik” uyi tarbiyalanuvchilariga yong‘in xavfsizligi qoidalari haqida tushuncha berildi // Respublikamiz bo‘ylab barcha viloyatlarda “Mehr daftari” tizimining ishlash tartibi va tamoyillarini o‘rganishga bag‘ishlangan seminar-trening o‘tkazilmoqda // Milliy gvardiya va FVV yong‘in xavfsizlik xizmati xodimlari oilaviy bolalar uylarining kuz-qish mavsumiga tayyorligini tekshirmoqda //Sogʻliqni saqlash-ustuvor vazifa: oilaviy bolalar uylari tarbiyalanuvchilari chuqur tibbiy koʻrikdan oʻtadilar / / Buxoroda oilaviy bolalar uylardagi tarbiyalanuvchilar teatrga tashrif buyurishdi / / hududlarda mehr daftari tizimining tartibi va tamoyillarini oʻrganish boʻyicha oʻquv seminarlari davom etmoqda / / Oilaviy bolalar uylari farzandlari chuqurlashtirilgan tibbiy ko‘rikdan o‘tkaziladi // 22 sonli “Mehribonlik” uyida “Avtomobilsiz kun: yo‘l harakati qoidalariga rioya qilamiz va ekologiyani asraymiz” nomli aksiya bo‘lib o‘tdi // Oliy Majlis senatori samarqandlik Raximovlar oilaviy bolalar uyida mehmon bo‘ldi //Toshkent 22-sonli “Mehribonlik” uyidagi har bir bola o‘ziga yarasha iqtidorli / / “Mehr daftari” jamg‘armasi mablag‘larining maqsadli sarflanishi ustidan parlament nazorati kuchaytirilmoqda 

Bizning maqsadimiz

Hozirgi kunda, barchamizning e'tiborimiz yetim bolalar va ota-ona qaramog‘idan mahrum bo‘lgan bolalarni tarbiyalashning tubdan yangilangan tizimini joriy etish chora-tadbirlarini amalga oshirishga qaratilmoqda.
Mazkur borada, Muhtaram Prezidentimiz Qarorlariga  asosan respublikamizdagi “Mehribonlik” uylari, Bolalar shaharchalari, oilaviy bolalar uylari va Bolalar uylari Milliy gvardiyaga biriktirildi.
Milliy gvardiya “SOS – O‘zbekiston bolalar mahallalari” uyushmasining bolalar mahallalari bilan hamkorlik aloqalari o‘rnatildi Shulardan kelib chiqib, Milliy gvardiyaga bir qator qo‘shimcha vazifalar yuklandi:
Xususan:
muassasa tarbiyalanuvchilarini ota-onasi yoki ularning o‘rnini bosuvchi shaxslarga qaytarish, vasiy yoki homiy tayinlash, farzandlikka berish va joylashtirishning boshqa shakllarini qo‘llash choralarini ko‘rish;
yetim bolalar va ota-ona qaramog‘idan mahrum bo‘lgan bolalarni moddiy, huquqiy va psixologik-pedagogik qo‘llab-quvvatlash;
muassasalarda sifatli ta'lim va tarbiya jarayonini yo‘lga qo‘yishga, ularning maishiy shart-sharoitlari yaxshilanishiga, tarbiyalanuvchilarning bo‘sh vaqtini mazmunli tashkil etish hamda ularning intellektual, jismoniy va ijodiy qobiliyatlarini rivojlantirishga ko‘maklashish;
yetim bolalar va ota-ona qaramog‘idan mahrum bo‘lgan bolalar uchun ma'naviy-ma'rifiy va madaniy tadbirlarni tashkil etish;
zamonaviy usul va shakllardan foydalangan holda jismonan sog‘lom, ma'naviy yetuk va dunyoqarashi keng yoshlarni shakllantirish, yetim bolalar va ota-ona qaramog‘idan mahrum bo‘lgan bolalarni sport turlariga qiziqtirish va to‘garaklarga jalb etish.
Yuklatilgan vazifalarni samarali ijrosini ta'minlash uchun Milliy gvardiya harbiy xizmatchilari tarkibidan mehribonlik bolalar muassasasi direktorining birinchi o‘rinbosari lavozimlariga ofiserlar tayinlandi.
Mehribonlik bolalar muassasalari faoliyatini muvofiqlashtirishga mas'ul, Milliy gvardiya qo‘mondonining yoshlar bilan ishlash masalalari bo‘yicha o‘rinbosari lavozimi va “Mehribonlik” bolalar muassasalari bilan ishlash boshqarmasi tashkil etildi.
Mehribonlik borlalar muassasalari faoliyatini tizimli tashkil etish, kadrlar tayyorlash va malakasini oshirish, ularni metodologik ta'minlash, xalqaro tajribani o‘rganish, yetim va ota-ona qaramog‘idan mahrum bo‘lgan bolalar bilan ishlashning ilmiy asoslarini ishlab chiqish yuzasidan Jamoat xavfsizligi universitetida “Harbiy-vatanparvarlik, ma'naviy-ma'rifiy tarbiya va yoshlar bilan ijtimoiy ishlash kafedrasi” tashkil etildi.

2021 yil oktyabr oyidan boshlab (Farmonga ko‘ra, o‘quv mashg‘ulotlari 2022 yil yanvar oyidan boshlanishi rejalashtirilgan edi, lekin gap bolalar farovonligi haqida ketayotgani uchun bu kurslar muddatidan oldin boshlangan), shu kungacha mazkur kafedra professor-o‘qituvchilari tomonidan o‘quv kurslari va shuningdek, 301 nafar Mehribonlik , Oilaviy hamda Bolalar uylari , 29 nafar SOS bolalar mahallalari uyushmasi tarbiyachilari bilan o‘quv seminarlari o‘tkazildi. Shu bilan bir qatorda, Respublika bo‘yicha 57 nafar psixolog va 19 nafar farzand asrab oluvchilarga kurslarni tamomlaganliklari to‘g‘risida sertifikatlar topshirildi. Kurslar joriy yilning may oyigacha davom etadi.