“Konstitutsiya-erkin va farovon hayot garovi” shiori ostida Qo‘riqlash boshqarmasida “Ochiq eshiklar kuni” tashkil etildi
Yoshlarning bo‘sh vaqtini mazmunli o‘tkazish, ular orasida sog‘lom turmush tarzini targ‘ib qilish, yoshlarni vatanparvarlik ruhida tarbiyalash maqsadida hamda O‘zbekiston Respublikasi Konstitutsiyasi qabul qilinganligining 32 yillik bayrami munosabati bilan Milliy gvardiya Farg‘ona viloyati Qo‘riqlash boshqarmasi tomonidan Farg‘ona shahridagi 1-sonli umumiy o‘rta taʼlim maktabi o‘quvchilari uchun “Konstitutsiya-erkin va farovon hayot garovi” shiori ostida Qo‘riqlash boshqarmasida ochiq eshiklar kuni tadbiri uyushtirildi.
Tadbir avvalida, yoshlarga vatanparvarlik, milliy armiyamizga jismonan baquvvat va maʼnan yetuk yoshlar zarurligi, harbiy xizmat har bir O‘zbekiston fuqarosi uchun muqaddas burch ekani haqidagi tushunchalar berildi.
Kun tartibiga muvofiq yoshlar, mutaxassislar tomonidan qo‘riqlash xizmatida yaratilayotgan sharoitlar, xodimlarning xizmat olib borish tartibi hamda sohada olib borilayotgan islohotlar bilan yaqindan tanishtirildi. Bundan tashqari, o‘quvchilar boshqarmada yaratilgan sharoitlar, xizmat hamda o‘quv xonalari bilan yaqindan tanishib chiqdilar. Shundan so‘ng, kamondan otish bo‘yicha tashkillashtirilgan mashg‘ulotda o‘quvchilar o‘z mahoratlarini oshirish imkoniga ega bo‘ldilar. Tadbir yakunida o‘quvchilar bilan Farg‘ona davlat muzeyiga sayohat tashkil etildi.
