Болажонлар доимо эътиборда
Миллий гвардия Бухоро вилояти бўйича бошқармаси, вилоят ҳокимлиги ҳамда халқ таълими бошқармаси масъуллари томонидан болажонларнинг ҳолидан хабар олиш мақсадида Абдуллаевлар, Сатторовлар, Ўриновлар хонадонига ташриф амалга оширилди.
Ташрифда, улар билан қизғин суҳбат қурилди. Шунингдек, оила муҳитида тарбия топаётган мактаб битирувчилари билан суҳбатда уларнинг қайси касбга қизиқиши тингланиб, келгуси касб танлаши юзасидан фикр мулоҳозалар билдирилди.
Тарбияланувчилар учун яратилган шарт-шароитлар, уларнинг таълим-тарбияси борасида амалга оширилган ишлар юзасидан ўрганишлар олиб борилди.
Шунингдек, оилалардаги мавжуд муаммоларини жойида бартараф этишга алоҳида эътибор қаратилди.
Ташриф давомида, фарзандларининг қизиқишлари бўйича тўгаракларга жалб қилиш, тарбияланучиларнинг темперамент ва характер хусусиятлари бўйича педагогик ҳамда психологик тавсиялар берилди.
Учрашув якунида, болажонларга китоблар тўплами совға қилинди.
