Навбатдаги психологик тренинглар
Миллий гвардия Бухоро вилояти бўйича бошқармаси психологлари томонидан болажонларнинг руҳий ҳолатини доимий равишда назорат қилиб бориш, уларнинг стресс ва депрессив ҳолатлар таъсирига тушиб қолишларини олдини олиш, уларнинг муомала маданиятини ошириш, жамоада соғлом руҳий ҳолатни таъминлаш мақсадида навбатдаги психодиагностик машғулот ва тренинглар ўтказилди.
Шунингдек, машғулотлар давомида Абдуллаевлар, Жўраевлар, Сатторовлар хонадони фарзандларига ён атрофидаги дўстлари билан вужудга келиши мумкин салбий ҳолатларни олдини олиш ҳамда низоли вазиятларда хатти-ҳаракатларини бошқариш бўйича тавсиялар берилди.
Тренинглар жараёнида улар ўртасида психодиагностик текширувлар амалга оширилди ва бу бўйича болалар билан индивидуал ва гуруҳий тартибда психологик консултация ҳамда психологик машғулотлар олиб борилди.
Сўз ўрнида бир нарсани алоҳида таъидлаб ўтиш жоиз, яъни оила тинч ва мустаҳкам бўлиб, унда ижобий муҳит ҳукм сурса, ундаги ўзаро муносабатлар муваффақиятли бўлса, бир сўз билан айтганда инсон ҳар куни ишонч билан ўз уйи остонасини хатлаб кўчага чиқса, оиласида уни кутаётганлар борлигини ҳис қилиб яшаса, бундан ташқари, ўзи ёқтирган иши билан шуғулланса, жамоасида ижобий психологик иқлим ҳукм суриб, ўз ўрнини топса, бундай инсон келгусида, албатта ўзи кўзлаган марралари сари олға боради.
