“ҒАЛАБА БОҒИ”ГА САЁҲАТ
Тошкент вилояти ҳокимлиги ва Чирчиқ шаҳар ҳокимлиги томонидан Миллий гвардия билан ҳамкорликда вояга етмаган болаларнинг ҳуқуқлари, эркинликлари ва қонуний манфаатлари ҳимоя қилинишини таъминлаш, улар ўртасида ватанпарварликни тарғиб қилиш ҳамда бўш вақтларини мазмунли ташкил этиш мақсадида Чирчиқ шаҳридаги 14-сонли Меҳрибонлик уйи тарбияланувчилари учун пойтахтимиздаги "Ғалаба боғи"га саёҳат ташкил этилди.
Саёҳат давомида тарбияланувчиларга 2-Жаҳон урушида қаҳрамонларча ҳалок бўлган ота-боболаримиз ҳамда ҳарбий техника, қурол ва бошқа экспонатлар ҳақида маълумотлар берилди. "Ғалаба боғи"га саёҳат давомида ёшлар уруш даври манзаралари, жумладан, окоп ва блиндажлар, палаткалар, дала ошхоналари ва бошқа лавҳаларни акс этган композицион мажмуаларни катта қизиқиш билан томоша қилишди. Айниқса, боғ ҳудудида янграб турган Иккинчи жаҳон уруши даврига хос мусиқа ва қўшиқлар тарбияланувчиларга ўзгача кайфият бағишлади.
