Абдуллаевлар оиласи фарзанди Ан Анора Қўқон шаҳрида бўлиб ўтган спортнинг "Armwrestling" тури бўйича Республика чемпионати ғолиблари сафидан ўрин эгаллади
Жорий йилнинг 22-25 август кунлари Қўқон шаҳрида спортнинг "Armwrestling" тури бўйича Республика чемпионати бўлиб ўтди. Мазкур Чемпионатда Бухоро вилояти Пешку туманида яшовчи Абдуллаевлар оиласи фарзанди Ан Анора Нуриевна ҳам фаол иштирок этди. Анора 2009-2010 йилларда туғилган қизлар ўртасидаги баҳсларда 50 килограмм вазн тоифасида иштирок этиб, ўнг қўл билан курашда 3 ўринни қўлга киритган бўлса, чап қўл билан кураш баҳсларида ҳам фахрли 3 ўринни қўлга киритиб, ўз ғолиблик медаллари сонини 2 тага кўпайтиришга муваффақ бўлди.
Маълумот учун, Ан Анора Нуриевна 2010 йил 18 июнь куни Когон шаҳрида таваллуд топган. Бугунги кунда Бухоро вилояти Пешку туманида истиқомат қилувчи Абдуллаевлар оиласи фарзанди ҳисобланади. Ҳозирда Ан Анора Нуриевна Пешку туманидаги 32-сонли мактабнинг 7-синфида таҳсил олади. 8 ёшидан спортнинг бокс тури билан шуғуллана бошлаган. Анора айни вақтда Пешку туманида жойлашган 1-сонли Болалар ва ўсмирлар спорт мактабида Саидов Сардор Ихтиёрович мураббийлиги остида спортнинг "Armwrestling" тури билан мунтазам равишда машғулотлар ўтказиб келади.
