"Адабиёт яшаса миллат яшайди" шиори остида миллий гвардия ходимлари ҳамда ўқувчи-ёшлар учун ижодий учрашув бўлиб ўтди
Шу юртда яшаб ижод этган ва этаётган ёзувчи ва шоирлар ижодини ёшлар орасида кенг тарғиб қилиш ёшларни Ватанга бўлган муҳаббатини ортишига замин яратиш билан бирга уларни ижодга, адабиётга, китобга бўлган меҳрини янада ортишига туртки бўлади.
Андижон шаҳрида жойлашган Заҳириддин Муҳаммад Бобур номидаги кутубхонада “Адабиёт яшаса миллат яшайди” шиори остида китоб мутолааси, ғазалхонлик, шеърият ҳамда Андижон вилояти ёзувчилар уюшмаси аъзоси ёзувчи шоир Бобуршунос Дурбек Қўлдошевнинг 75 йиллигига бағишланган ижодий учрашув бўлиб ўтди.
Учрашувда Андижон вилояти Ёзувчилар уюшмаси, Андижон давлат университетининг профессор устоз ва фахрийлар Миллий гвардия Андижон вилояти бўйича бошқармаси ва Қўриқлаш бошқармаси ҳарбий хизматчи ва ходимлари, Мудофаа вазирлигига қарашли ҳарбий қисмлар, Муҳаммад Юсуф номидаги ижод мактабининг ўқувчилари иштирок этдилар.
Тадбир устоз ёзувчи ва шоирларнинг ёдда қолган ҳикоялари, Муҳаммад Юсуф номидаги ижод мактаби ўқувчиларининг ғазал ва шеърлари, ёзувчи ҳамкасбларининг табриклари билан юқори савия ва кўтаринки руҳда бўлиб ўтди.
