Миллий гвардия Фарғона вилояти бўйича бошқармаси томонидан Ўзбекистон Ёзувчилар уюшмаси вилоят бўлими билан ҳамкорликда Қўштепа туманида Зокировлар оиласи томонидан ташкил этилган "Мустақил оилам келажагим пойдевори" номли Оилавий болалар уйига ташриф буюриб, тарбияланувчилар ҳолидан хабар олинди. Шунингдек, "Оилам бахтим қувончи" номли Оилавий болалар уйида тарбияланаётган 6 нафар қизалоқлар ҳам эътибордан четда қолмади.
Тадбир давомида болажонлар учун китобхонлик, шеъриятхонлик кечалари ташкил этилди. Шу билан бир қаторда, Ёзувчилар уюшмаси раҳбар ўринбосари Дилшодахон Эрматжон қизи томонидан тарбияланувчилар учун буюк ўзбек ёзувчиларининг сара асарлари тақдимоти ўтказилди.
Давра суҳбати бир-биридан мазмундор шеър ҳамда ғазаллар айтишувига айланиб кетди ва ёшлар томонидан ҳикоя қилинган асарлардан парчалар меҳмонларнинг олқишига сазовор бўлди. Бу жараён китобга ошно бўлган болажонлар томонидан катта қизиқиш билан қарши олинди.
Ташриф якунида Ёзувчилар уюшмаси томонидан ёшларимизга китоблар жамланмаси совға қилинди.