Қашқадарё вилоят адлия бошқармаси томонидан жорий йилнинг 16 декабрь куни Қамаши туманидаги 4-сонли Меҳрибонлик уйининг 9-11-синф тарбияланувчилари учун “Менинг ҳуқуқим” куни ташкил этилди.

Тадбирда Меҳрибонлик уйида тарбияланувчи болаларга бошқарма фаолияти, иш жараёни, амалга оширилаётган ишлар билан яқиндан таништирилди.

Шунингдек, ёшлар билан очиқ мулоқот ўтказилиб, меҳрибонлик уйларида тарбияланувчилар учун қонунчиликда белгиланган имтиёзлар ҳақида маълумотлар берилди.

Иштирокчиларнинг юридик таълим ва юридик соҳага бўлган қизиқишини орттириш мақсадида адлия бошқармаси ва “Юрт таровати” газетаси билан ҳамкорликда "9 декабрь - Халқаро коррупцияга қарши курашиш куни" муносабати билан "Коррупция - жаҳолат қурбони" номли онлайн мақолалар танлови ғолибларини тақдирлаш маросими ҳам ташкил этилди.

Тадбирда ёшларнинг ҳуқуқий билимларини синаш мақсадида конституцияга оид савол-жавоблар, тест саволлари ва интерактив ўйинлар ташкил этилди.

Бундан ташқари, Меҳрибонлик уйи тарбияланувчиларини Қарши шаҳридаги «Одина» мажмуасида жойлашган “Қатағон қурбонлари хотираси музейи”га саёҳат уюштирилди.

Адлия ва ёшлар учрашуви таассуротларга бой тарзда ўтказилди ва тадбир сўнгида ёшларга эсдалик совғалари топширилди.

Тадбир тафсилотлари вилоят телевидениеси орқали тасвирга олинди.