Telegram каналларидан бирида филология фанларига ихтисослаштирилган 99-сонли мактаб юқори синф ўқувчиларининг сумкаси текширилаётганлиги тўғрисида видео тарқатилган. Мазкур ҳолат юзасидан шуни маълум қиламизки, мактабларда амалга ошириб килинаётган шу каби профилактик текширув ишлари натижасида айрим ўқувчилар ёнидан таъқиқланган буюмлар аниқланмоқда.
Пойтахтимиздаги 99-сонли мактабдаги бугунги яъни мактабга кечикиб келган юқори синф ўқувчилари билан боғлиқ ҳолатда, шуни алоҳида таъкидлаш керакки, видеолавҳа акс этган ҳарбий кийим кийган ходимнинг қўлидаги телефон ўқувчига тегишли эмас аксинча ушбу ходим шу тарзда ўз телефонида ўқувчиларда аниқланган ва тақиқланган буюмларни қайд этиб рўйхатга киритган.
Ҳурматли ота-оналар! Биз сизни болаларингизга кўпроқ эътиборли бўлишга, мактаб сумкалари ва сумкаларининг ички қисмини текширишга, пичоқ ва бошқа ўткир тиғли буюмларни олиб юришнинг оқибатлари ҳақида тарбиявий суҳбатлар ўтказишга чақирамиз.
Эслатиб ўтамиз, оммавий ахборот воситалари орқали ёлғон маълумот тарқатиш жавобгарликка сабаб бўлади. Фуқароларимиздан ёлғон ва тасдиқланмаган маълумотларга ишонмасликларини сўраб қоламиз!
Бу каби текширувлар профилактика мақсадида бошқа мактабларда ҳам олиб борилади.