Америкалик афсонавий боксчилар Эвандер Холифилд, Майк Тайсон ҳамда 22-сонли Меҳрибонлик уйи тарбияланувчиларининг учрашуви бўлиб ўтди.
Мазкур учрашув Паралимпия қўмитасида ташкил этилиб, утилмас лаҳзаларга бой кун бўлди.
Тадбир аввалида оғир вазн тоифасидаги жаҳон чемпионлари сўзга чиқиб, ўзларининг йиллар давомида орттирган тажрибалари, олган сабоқлари ҳақида сўзлаб беришди.
“-Спорт билан мунтазам шуғулланганлигим туфайли ҳозир ҳам энг яхши спорт формасидаман. Соғлиғимдан шикоятим йўқ ва мен ўзимни ажойиб ҳис қиляпман. Ҳар куни машғулот олиб бораман ва ҳаётимнинг ҳар бир дақиқасидан завқ оляпман”, - деди Тайсон.
Болажонларга берилган бу имкониятлардан улар самарали фойдаланиб, жаҳон ареналарида мағлуб бўлмаган чемпионлар билан дилдан суҳбат қўришди. Ёшларнинг бахтиёр эканлиги уларнинг юз-кўзларидан сезилиб турарди.
Барчанинг қаҳрамонига айланган боксчилар билан бўлган учрашув ёш авлоднинг спортга бўлган иштиёқларини янада кучайтирди.
Тадбир якунида ташкилотчилар томонидан эсдалик совғалари улашилди.
