СУРХОНДАРЁ ВИЛОЯТИ АНГОР ТУМАНИДА ОИЛАВИЙ БОЛАЛАР УЙИ ОЧИЛДИ.
Мазкур Оилавий болалар уйининг асосчилари Замира Карлиевна ва Комилжон Хуррамович бўлиб, уларнинг тўнғич фарзанди алоҳида хонадонда уч нафар
фарзандини вояга етказмоқда. Кичик фарзанди бўлса, Самарқанд тиббиёт институтида таҳсил олади. Улар ўтган йилнинг 15 декабрида болаларни ҳимоя қилиш бошқармасига мурожаат қилиб, болаларнинг ёши, миллатидан қатъи назар, ўз оиласи аъзолари сифатида қабул қилишга тайёр эканликларини билдиришган. Уларнинг аризаси мутахассислар томонидан кўриб чиқилиб, яшаш шароитлари ўрганилди. Мазкур хонадонда 12 та хона мавжуд бўлиб, қиз ва ўғил болалар учун алоҳида ҳаммом, кенг овқат хонаси, болалар уй вазифасини бажара оладиган хоналар учун пухта ўйланган ички макон қурилган ва барча талабларга жавоб беради. Орадан бир ҳафта ўтгач уларга фарзанд асраб олишга рухсат берилди.
Замира Карлиевна ва Комилжон Хуррамович бутун вилоят бўйлаб саёҳат қилишди ва ҳатто пойтахтга ташриф буюриб: 14 ёшли Амалия, 13 ёшли Отабек Тошкентнинг 22-сонли "Меҳрибонлик" уйидан, 17 ёшли Бибисора ва унинг 14 ёшли синглиси Қундузой ҳамда 11 ёшли Улбегим-Қизириқ туманидан, онаси вафотидан кейин етим қолган 10 ёшли Дурдона ва унинг акаси Азизбек Шеробод туманидан, фақатгина 10 ёшли Бибигонни ўз маҳалласидан асраб олди.
Замира Қалиева ва Комилжон Хуррамович аввало болалардан ўқишдан ташқари қандай қизиқишлари борлигини сўрашди. Ҳар бир боланинг ўз хоббиси бор екан. Амалия енгил атлетика, Отабек - сузиш, Азизбек – футбол билан шуғулланишни ёқтирса, Бибисора ва Бибизхон дарҳол умумий мавзу - тикувчиликни танлашди, ажаб емаски, уларнинг исмлари ҳам ҳамоҳанг! Дурдона ва Улбегимни китоблардан узиб бўлмайди, Қундузой еса овқат пиширишни яхши кўради ва онасидан сўраган биринчи нарса ҳам овқат пишириш ҳақидаги китоб еди. Кечқурун, уйларнинг деразаларида чироқлар ёқилганда оила катта уйдаги улкан столга йиғилади: Ота-она, олти қизи ва икки ўғли. Тўнғич ўғиллари меҳмондорчиликка келиб туришади ва болаларнинг шодон кулгиси хонадонда узоқ янграйди
