Бахтли ва билимли фарзандлар фаровон юртнинг келажагидир
Ўзбекистон Республикаси Президентининг 2022 йил 4 августдаги 345-сонли “Оилавий болалар уйлари фаолиятини такомиллаштиришга оид қўшимча чора-тадбирлар тўғрисида”ги қарорига асосан оилавий болалар уйлари фаолиятини мувофиқлаштириш ва назорат қилиш Миллий гвардия ҳамда туман (шаҳар) ҳокимликларининг болаларни ҳимоя қилиш шуъбалари томонидан амалга оширилмоқда.
Шу муносабат билан ҳарбий хизматчилар ва ҳокимият вакиллари мунтазам равишда оилавий болалар уйи хонадонига ташриф буюриб, болажонларнинг яшаш шароити, оилалардаги маънавий-руҳий муҳит атрофлича ўрганмоқда.
Хусусан, Сирдарё вилояти ҳокимлиги ва Миллий гвардия вакилларидан фаолияти йўлга қўйилган 8 та Оилавий болалар уйи фарзандлари ҳолидан хабар олишди.
Ташриф давомида ота-оналар ва болалар билан суҳбат ташкил этилиб, оиладаги муҳит, болаларнинг феъл-атворидаги ўзгаришлар, уларнинг мактаб ва маҳалладаги дўстлари билан муносабатлари ўрганилди.
