"Бир бўлсак — ягона халқмиз, бирлашсак — Ватанмиз!" шиори остида "Ватаним ранглар жилосида" расмлар танлови ўтказилди.
Фарғона вилояти Қўриқлаш бошқармасида тизимда хизмат қилаётган ходимларнинг фарзандлари ўртасида "Ватанни ранглар жилосида" мавзусида расмлар кўрик танлови ўтказилди. Танловда иштирок этганларидан болажонлар жуда мамнун бўлишди. Танлов иштирокчиларининг чизган расмларида болаларча беғуборлик, соддалик, самимийлик ҳамда уларнинг фақат ва фақат эзгуликка интилишлари яратган асарларида шундоқ намоён бўлиб турди. Танловда иштирок этган бу кичик асарларнинг орасидан энг яхшисини ажратиш мушкул бўлди. Чунки ҳар бир чизилган асар ўзгача бир маъно-мазмун касб этган эди. Шунинг учун кўрик-танлов ғолибини овоз бериш йўли билан аниқланди. Ғолибларга бошқарма раҳбарияти томонидан тасвирий санъат борасидаги қобилиятини янада ривожлантириш учун эсдалик совғалари ва дипломлар топширилди. Шунингдек, Кўрик-танловнинг барча иштирокчиларига ташкилотчилар томонидан эсдалик совғалари тақдим этилди.
