“Бизнинг вазифамиз–барча муаммоларни сифатли ҳал этиш, ҳеч кимни эътибордан четда қолдирмаслик”
Давлат жамиятнинг барча қатламлари ҳақида бир хил қайғургани каби “Меҳр дафтари” орқали етим болалар ва ота-она қарамоғидан маҳрум бўлган болаларга ҳа янги имкониятлар эшигини очди ва улар ўзларининг ҳозир ҳамда келажакдаги ҳаётини тўлиқ шакллантириб олиши учун барча шароитларни яратиб бермоқда.
Шу маънода, Когон шаҳар “Меҳр дафтари”га киритилган 5 нафар болаларнинг муаммолари инобатга олиниб, ўқув қуроллари олиб берилди ҳамда 1 нафар болага истеъдодини қўллаб-қувватлаш мақсадида тадбиркорлик фаолияти билан шуғулланиши учун аёллар гўзаллик салони буюмлари топширилди.
Когон шаҳар ҳокимлиги, вилоят ҳокимлиги аппарати Болаларни ҳимоя қилиш масалалари котибияти ҳамда Миллий гвардия Бухоро вилояти бўйича бошқармаси масъуллари томонидан мазкур совғалар тақдим этилиб, баркамол авлодни комил инсон этиб вояга етказиш йўлидаги хайрли ва ибратли хизматлари учун ўз тарбиясига олган тутинган ота-оналар ташаккурномалар билан тақдирландилар.
