Болажонлар учун «Янги йил байрами» томошаси ташкил этилди
Миллий гвардиянинг хизмат вақтида мардларча ҳалок бўлган ходимлари, "Оилавий болалар уйи" болажонлари, шунингдек, тизимда намунали хизмат қилаётган ҳарбий хизматчи ва ходимларнинг фарзандлари учун вилоят қўғирчоқ театрида «Янги йил байрами» томошаси ташкил этилди
Миллий гвардия ходимлари ва уларнинг оила-аъзоларини, шунингдек қалби меҳрга ташна болажонларни ижтимоий қўллаб-қувватлаш, маданий жиҳатдан намунали ҳордиқ чиқаришини таъминлаш мақсадида, Бухоро вилояти қўғирчоқ театрида саҳналаштирилган байрам томошаси намойиш этилди.
Шунингдек, байрам туҳфаларини мамнуният билан қабул қилган болалар учун тайёрланган эртак қаҳрамонлари иштирокидаги саҳна кўринишлари тадбир қатнашчиларига бирдай манзур бўлди.
Албатта, ушбу тадбирларнинг туб замирида меҳр ва эътиборга муҳтож ёш қалбларни қўллаб-қувватлаш ҳамда уларнинг ҳуқуқ ва эркинликларини ҳимоя қилиш каби эзгу фазилатлар мужассамлиги, эътирофга лойиқ.
