БОР МЕҲРИМИЗ СЕНГА БОЛАЖОН
Бугун юртимизда ёш авлоднинг интеллектуал ривожланиши, маънавий ва жисмоний камолоти йўлида кенг қамровли ишлар амалга ошириб келинмоқда. Мазкур жараёнларда болаларни ёзги соғломлаштириш йўналишидаги ишлар ўта муҳим аҳамият касб этади. Хусусан, мамлакатимизда ижтимоий соҳага алоҳида эътибор қаратилиб, таълим, соғлиқни сақлаш тизимида изчил ислоҳотлар кўлами тобора ортиб бормоқда.
Куни кеча Тошкент вилояти Бўстонлиқ туманида жойлашган Республика "Меҳрибонлик уйлари" соғломлаштириш оромгоҳида маънавий-маърифий тадбир ташкил этилди. Мазкур тадбирда Тошкент шаҳри ва Тошкент вилоятида жойлашган меҳрибонлик уйлари тарбияланувчилари, ходимлари, Ўзбекистон Республикаси Миллий гвардияси Тошкент вилояти бош бошқармаси вакиллари, Халқ депутатлари Тошкент вилояти Кенгашидаги партия депутатлари, Бўстонлиқ тумани ҳокимлиги мутасаддилари, Ўзбекистон "Адолат" СДП Тошкент вилояти Кенгаши раиси ва жамоаси иштирок этишди. Оромгоҳда ўтказилган тадбирда дам олувчи болалар стол тенниси, камондан ўқ отиш, арқон тортиш мусобақалари каби беллашувларда куч синашиб, ғолиб бўлганлар ҳамда мутассадди ходимлар тадбир ташкилотчилари томонидан фахрий ёрлиқ ва эсдалик совғалари билан тақдирланди.
Шунингдек, оромгоҳда байрам дастурхони ташкил этилиб, болажонларга миллий таомимиз ҳисобланган ош тортиқ қилинли.
Шу билан бир қаторда, Миллий гвардия Тошкент вилояти бош бошқармаси оркестри ҳамда Нурафшон шаҳар маданият бўлими томонидан ташкиллаштирилган тадбирнинг бадиий қисмида ёш, иқтидорли хонандалар ижросидаги куй-қўшиқ ва рақс ансамблларининг чиқишлари болаларга кўтаринки кайфият бахш этди.
