"ДИҚҚАТ, ПИЁДАЛАР!"
Ана шундай шиор остида Хоразм вилояти ИИБ йўл ҳаракати хавфсизлиги хизмати ходимлари ва Миллий гвардия ҳарбий хизматчилари томонидан Оилавий болалар уйи тарбияланувчилари иштирокида йўл ҳаракати хавфсизлиги бўйича машғулотлар ташкил этилди.
Машғулотлар махсус жиҳозланган синфда ўтказилиб,иштирокчилар йўл белгилари, светофорлар, пиёдалар ўтиш жойлари, деворларда йўл ҳаракати қоидалари, жумладан, йўл белгилари тасвирлари ва уларнинг аҳамияти борасида кўплаб маълумотларга эга бўлди. Амалий машғулот жараёни синфхонада шаҳарнинг ҳақиқий ҳолатига имкон қадар яқин шароитда амалга оширилди.
Болаларга йўл ҳаракати қоидалари ва уларнинг ёшида билиш керак бўлган йўл белгилари ва талаблар тушунтирилди. Дарс сўнггида ҳар бир тарбияланувчига эслатма тарқатилиб, барча саволларга жавоблар берилди.
