Тошкент вилоятда ташкил этилган оилавий меҳрибонлик уйларининг тарбияланувчилари бўлган болажонлар учун куни кеча қадимий тарихга эга бўлган кўҳна Самарқанд шаҳрига саёҳат ташкил этилди. Миллий гвардия вилоят бўйича бошқармаси ва вилоят Ҳокимлиги мутасаддилари кўмагида ташкил этилган саёҳатда йигит-қизлар турли қадамжолар билан яқиндан танишдилар. Ушбу қизиқарли саёҳат Ҳақида ҳозирги лавҳамизда батафсил танишишингиз мумкин.
Қизиқарли,унутилмас таассуротларга бой бўлиши кутилган саёҳат болажонлар ва уларга ҳамроқлик қилувчи ота-оналарнинг хотирасида узоқ вақт сақланиб қолиши табиий. Дастлаб “Мирзо Улуғбек” расадхонасидан бошланган зиёрат давомида йигит-қизлар обсерваториядаги қадимий коинот ўлчашга мўлжалланган асбоб ускуналар, шунингдек, ушбу давр ҳақида ҳикоя қилувчи қўлёзмалар, тарихий ҳужжатлар билан ҳам яқиндан танишдилар. Болажонларнинг кейинги манзили “Шоҳи зинда ” мажмуаси ҳамда “Регистон ансамбли” бўлди. Ушбу қадамжоларда тарбияланувчилар тарихнинг сирли тилсимларини ўзида жамлаган мозий ҳақида сўзловчи Маҳобатли бинолар ҳамда Темурийлар давридаги маданий – маърифий ҳаёт билан яқиндан танишдилар.
Тарих ва келажак туташган ушбу заминдаги қисқа саёҳат оилавий меҳрибонлик уйларининг болажонлари хотирасида узоқ вақт унутилмас бир олам таассуротлар билан сақланиб қолиши шубҳасиз. Негаки,ушбу тарбияланувчиларнинг кўпчилиги Самарқанд шаҳрига илк бор келиши,бу ердаги тарихий қадамжолар билан яқиндан танишганлари камчиликни ташкил этарди. Ушбу саёҳат орқали эса улар тарихнинг жонли кўзгуси бўлган қадимий шаҳардаги залворли ўтмиш билан яқиндан танишдилар.
Бу каби саёҳатлар натижасида мозий гавҳари ҳисобланиш Самарқанд шаҳрининг тарих ва ўтмиш тутушган масканларида бўлишган оилавий болалар уйларида камолга етаётган ушбу болалар тарихни янада яхши англашлари, аждодларимизга муносиб авлод бўлиб,юрт тараққиётига дахлдорлик ҳиси билан улғайишларида замин ҳозирлаши билан аҳамиятлидир.
Саҳифадаги хатолар бўйича манзил:
Матн хато билан:
Сизнинг изохингиз ёки тўғри версия:
