Болажонлар билан хонадон қувонч ва бахтга тўла.
Бугун Шаҳрисабзда яшовчи Дилобар Хомидовна ва Рустам Мазҳитовичнинг хонадонидан қувонч аримайди: улар етти фарзанднинг ота-онаси бўлишди.Бундай шароитдан ва ўз оиласига эга бўлишганидан декабрда 18 ёшга тўладиган Маржона, 15 ёшли Рухшона ва унинг 13 ёшли укаси Асланбек, Руҳшона билан тенгдош опа-сингил Нигина ва Юлдузлар ҳам хурсанд. Зеро, Меҳрибонлик уйи тарбияланувчиларининг энг катта орзуси оила даврасида, ота-онасининг ёнида бўлиш, уларнинг мадад ва ҳимоясини ҳис қилиш эди.
Рустам ака ва Дилобар опа бу ишга масъулият билан ёндашдилар: улар 7 хонали уйларини таъмирладилар, олти қиз учун ётоқ хона ва ўғил болалар учун алоҳида хона тайёрлаб, болалар уй вазифаларини бажарадиган хонани жиҳозладилар, ҳовлини ободонлаштирдилар. Болажонлар ўзлари ёқтирган машғулотлар билан шуғулланишлари учун барча шароит яратилган бўлиб, улар турли тўгаракларга қатнашмоқдалар.
"Болалар кулса, уйимиз қувонч ва бахтга тўла бўлади, - дейди Дилобар Кулиева. "Ниҳоят, турмуш ўртоғим ва мен ота-оналик бахтини ҳис қилдик ва бу имконият учун Президентимиздан жуда миннатдормиз."
