Eng mazali qulupnay – polizda yetishtirilganidir
Yurtimizda qulupnaylar kundan kunga yetilib, bozor rastalarini bezamoqda. “Kelajak va baxt” nomli Oilaviy bolalar uyi farzandlarining istagi ota-onasini oʻyga toldirib qoʻydi. Sababi qizaloqlar bozor rastalari yoki doʻkondagi emas, polizda yetishtirilgan qulupnay yeyishni istadilar. “Qulupnay qanday qilib yetishtirilishini, rangga kirishini kuzatgimiz kelyapti. Balki biz kelajakda agronomlik kasbini tanlab meva va sabzavotlarning yangi navlarini kashf etarmiz”, - deya taklif berishdi qizlar ota-onalariga. Bola podshoh – uning istagi esa qonun. Buning ustiga qizlar ulgʻaymoqda va kelajakda qanday kasb egallash haqida oʻylash vaqti kelyapti. Karimberdi va Mavludaxon Roʻziboyevlar farzandlari xohishini oʻzlariga yaqin fermer xoʻjaligi rahbariyatiga bildirdilar. Tabiiyki fermer xoʻjaligi masʼullari bu taklifni qoʻllab-quvvatlashdi. Suratlarga bir razm soling: qizaloqlar chindan baxtli, koʻrinib turibdiki polizda yetishtirilgan qulupnay chindan eng mazalisi.
