“Ёшлар ойлиги” доирасида “Янги Ўзбекистон ёшлари, бирлашайлик!” шиори остида Миллий гвардия ҳамда ҳамкор ташкилотлар томонидан ҳарбий ватанпарварлик тадбирлари ўтказилмоқда
Ўқувчи ёшларнинг ёзги таътил вақтларини мазмунли ўтказишлари, уларнинг жисмоний ва ақлий салоҳиятларини ошириш, болажонларга яхши кайфият улашиш мақсадида республикамиз бўйлаб болалар соғломлаштириш оромгоҳларида ҳарбий Ватанпарварлик тадбирлари ўтказилмоқда.
Хусусан, Миллий гвардия Андижон вилояти бўйича бошқармаси ҳамда Қўриқлаш бошқармаси билан ҳамкорликда ёш авлодни юртга муҳаббат уларда она Ватанни ҳимоя қилишга даҳлдор туйғулари билан тарбиялаш ҳамда уларнинг ёзги таътил вақтини мазмунли ташкил этиш мақсадида жойлардаги оромгоҳларда ҳарбий Ватанпарварлик ва спорт тадбирлари ўтказилди.
Тадбирда ўқувчи ёшларга замонавий ҳарбий қурол-аслаҳа кўргазмалари намойиш этилиб, спорт турлари камондан отиш, футбол, шахмат, стол тенниси турлари бўйича маҳорат дарслари бўлиб ўтди.
Шунингдек, Андижон вилояти Булоқбоши туманида жойлашган "Шифокор" болалар соғломлаштириш оромгоҳида Мактабгача ва мактаб таълими бошқармаси ҳамда Фавқулодда вазиятлар бошқармаси билан ҳамкорликда ўтказилган ватанпарварлик ва спорт тадбирлари ҳам ёшларда катта таассурот қолдирди.
Айниқса, ўқувчи ёшлар харбий қурол аслаҳалар кўргазмаси намойиш этилиб, спортнинг "Футбол", арқон тортиш ва арғимчоқда сакраш турлари бўйича оромгоҳ биринчилиги мусобақаларида фаол қатнашди.
Тадбир якунида ғолибларга димлом ва эсталик совғалари топширилди.
Бундай тадбирлар республикамизнинг бошқа ҳудудларида ҳам давом этмоқда.
