2021 йил 28 июль куни Ўзбекистон Республикаси Президенти Шавкат Мирзиёев раислигида ўтказилган видеоселекторда меҳрибонлик уйларидаги болаларини оилага яқин муҳитда тарбиялаш, ватанпарвар инсонлар этиб вояга етказишга алоҳида эътибор қаратилиб, бу борадаги ишларга Миллий гвардия масъуллиги белгиланган эди.
Фарғона вилояти, Фарғона тумани, Илғор МФЙ, Фаровон турмуш кўчаси 370 уйда яшовчи фуқаролар Акбаров Шавкатжон Абдусалимович ва унинг турмуш ўртоғи Каримқулова Нигорахон Мамасидиқовналар Марғилон шаҳридаги 1-сонли меҳрибонлик уйидан 5 нафар ўғил болаларни оила бағрига қабул қилиб “Буюк юрт фарзандлари келажак сари” номли оилавий болалар уйи фаолиятини йўлга қўйдилар.
Оилавий болалар уйининг тантанали очилиш маросимида Миллий гвардия Фарғона вилояти бўйича бошқармаси ҳарбий хизматчилари, Фарғона тумани хокимлиги ва кенг жамоатчилик вакиллари иштирок этишди.
Тадбир давомида Миллий гвардия Фарғона вилояти бошқармаси томонидан болажонларга спорт анжомлари ҳамда китоблар жамланмаси совға қилинди.
Ҳонадонларда уларнинг эмин-эркин яшашлари, оилавий муҳит тафтини ҳис қилиб улғайишлари учун барча шароитлар муҳайё этилган. Муҳими бу болалар энди ота-она меҳру муҳаббатидан баҳраманд бўлишади, ўзларини тенгқурларидан асло кам сезишмайди.