ХОРАЗМ ВИЛОЯТИДА БОЛАЖОНЛАРИМИЗ ПРЕЗИДЕНТ СОВҒАЛАРИНИ ҚАБУЛ ҚИЛИБ ОЛИШДИ.
Урганч шаҳридаги Огаҳий номли вилоят мусиқали ва драма театрида Хоразм вилояти хокимлиги ҳамда вилоят Миллий гвардия ва Халқ таълими бошқармалари ҳамкорлигида Янги йил байрами ташкил этилди. Тадбирда вилоятда ташкил қилинган жами 13 та Оилавий болалар уйлари ва SOS Болалар маҳалласи Урганч филиали тарбияланувчилари ҳамда хизмат вақтида ҳалок бўлган ҳарбий хизматчиларнинг фарзандларидан иборат жами 366 нафар болажонлар иштирок этишди.Вилоят хокими Ф. Эрмонов байрамни кириш сўзи билан очиб, болажонларимизга Президентимизнинг байрам табригини ўқиб эшиттирди, шундан сўнг, "Президент совғаси" ўз эгаларига топширилди. Дастур иштирокчиси бўлган ёш авлод байрамда намойиш этилган бетакрор томошалар, "Янги йил эртаги", жозибали рақслар ва қувноқ лаҳзалар орқали янги йил завқини туйди.
