Меҳрибонлик уйининг собиқ тарбияланувчисига янги хонадон калитлари топширилди / / Qashqadaryoda oilaviy bolalar uyidan 3 nafar bolalar o'z oilasi bag'riga qaytarildi / / Ҳурматли ота-оналар! Биз сизни болаларингизга кўпроқ эътиборли бўлишга, мактаб сумкалари ва сумкаларининг ички қисмини текширишга, пичоқ ва бошқа ўткир тиғли буюмларни олиб юришнинг оқибатлари ҳақида тарбиявий суҳбатлар ўтказишга чақирамиз / / Пойтахтнинг Олмазор туманидаги эшитиш қобилияти паст бўлган болалар 102-ихтисослаштирилган мактаб-интернати ўқувчилари ва А. Хлебушкина номидаги 22-Меҳрибонлик уйи тарбияланувчилари учун ҳар бир боланинг ўз истеъдоди ва қобилиятларини намойиш этишга имкон берадиган тадбир ташкил этилди / / Тошкент шаҳар мактабгача ва мактаб таълими бошқармасида таълим муассасаларида амалга оширилаётган куз-қиш мавсумига ҳозирлик, вояга етмаганлар ўртасида жиноят ва ҳуқуқбузарликларни олдини олиш масалаларига бағишланган йиғилиш бўлиб ўтди / / “Мен ҳам ҳарбий бўламан” китоби тақдимоти бўлиб ўтди / / "Миллий гвардия ходимлари доимо сиз билан!" 

“МЕҲР ДАФТАРИ” ТИЗИМИНИ ЖОРИЙ ЭТИШ ТАРТИБИ БЕЛГИЛАНДИ

18.1.2022 868

Ҳукумат қарори билан Етим болалар ва ота-она қарамоғидан маҳрум бўлган болаларни ҳар томонлама қўллаб-қувватлашга қаратилган “Меҳр дафтари” тизимини жорий этиш тартиби тўғрисидаги низом тасдиқланди.

Низомга мувофиқ, етим болалар ва ота-она қарамоғидан маҳрум бўлган болалар туман (шаҳар) ҳокими қарори асосида “Меҳр дафтари”га киритилади ва ундан чиқарилади.

“Меҳр дафтари” тизимига киритишнинг ахборот тизимидан фойдаланиш ва муълумотларни киритиш тартиби Миллий гвардия томонидан белгиланади.

2022 йил 1 февралгача мазкур ахборот тизими амалиётга жорий этилади.

Ўқув-тарбия муассасалари ҳамда туман (шаҳар) ҳокимликларининг Болаларни ҳимоя қилиш шуъбалари “Меҳр дафтари”ни шакллантиришга масъул ҳисобланади.

Қуйидагилар “Меҳр дафтари”га маълумотларнинг бевосита киритилишини таъминлайди:

Халқ таълими вазирлиги томонидан унинг тизимидаги Меҳрибонлик уйлари, Болалар шаҳарчалари, Республика болалар ўқув-тарбия муассасалари ва Оилавий болалар уйлари;

Соғлиқни сақлаш вазирлиги томонидан унинг тизимидаги Болалар уйлари;

“SOS – Ўзбекистон болалар маҳаллалари” уюшмаси томонидан унинг тизимидаги болаларни муқобил парвариш қилиш хизматлари, ёшларга ҳамроҳлик қилиш хизматлари ва ижтимоий тимликнинг олдини олиш хизматлари тарбияланувчилари ва битирувчилари тўғрисидаги;

туман (шаҳар) ҳокимликларининг Болаларни ҳимоя қилиш шуъбалари томонидан васийликка (ҳомийликка, патронатга) олинган етим болалар ва ота-она қарамоғидан маҳрум бўлган олалар тўғрисидаги.

Дафтарга киритилган болаларнинг муаммо (эҳтиёж, қизиқиш)лари тегишли тартибда ўрганилади.

“Меҳр дафтари”га киритилган болаларни қўллаб-қувватлаш ишлари қуйидагилар томонидан мувофиқлаштирилади:

туман (шаҳар) ҳокимлигининг Болаларни ҳимоя қилиш шуъбаси томонидан манфаатдор давлат органлари ва ташкилотлар билан биргаликда;

Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликларининг Болаларни ҳимоя қилиш масалалари котибиятлари томонидан манфаатдор давлат органлари ва ташкилотлари билан биргаликда;

Вазирлар Маҳкамасининг Болаларни ҳимоя қилиш масалалари шуъбаси ва Миллий гвардия томонидан манфаатдор вазирлик ва идоралар билан биргаликда.

Етим болалар ва ота-она қарамоғидан маҳрум бўлган болалар 25 ёшга тўлганда тегишли қарор асосида “Меҳр дафтари”дан чиқарилади.

Бунда дафтардан чиқарилаётган шахсларнинг бандлиги таъминланган ва уй-жойи мавжуд бўлиши шарт. Бандлиги таъминланмаган ҳолатларда, “Меҳр дафтари” ҳисобида туриш муддати бандлиги таъминлангунгача, бироқ 5 йилдан ортиқ бўлмаган муддатга узайтирилади.
Манба;