Бухоро вилоятидаги Оилавий болалар уйлари фарзандлари ёшларни бирлаштирган лойиҳа -«Иқтидор»да иштирок этди.
Аввал хабар берганимиздек, Жиззах вилояти Зомин туманидаги оромгоҳда ёшларни спорт, ИТ-технологиялари, санъат, ижод, аниқ ва гуманитар фанларга бўлган қизиқишлари орқали бирлаштириш мақсадида ташкил этилган «Иқтидор» лойиҳаси муваффақиятли бўлиб ўтди.
Лойиҳада Беҳбутов, Абдуллаев ва Сатторовлар оиласи фарзандлари ҳам иштирок этиб, уларга копроқ семинар-тренинглар, маҳорат дарслари, психологлар билан суҳбатлар манзур болди. Ёшлар таълим сифатини яхшилаш бўйича болган мунозараларда оз фикрларини билдиришди ва катталар сингари масъулиятни ҳис қилишди.
Лойиҳанинг иккинчи куни “Спорт танани, руҳни ва характерни тинчлантиради” шиори остидаги мусобақаларга багишланди. Унда оромгоҳдаги оғил-қизлар иштирокида спортнинг футбол, волейбол, стол тенниси,шахмат ва «Заковат» интеллектуал ўйинлари бўйича дўстлик беллашувлари бўлиб ўтди.
Бухоролик ёшлар лойиҳада ўрганган билим ва кўникмаларини мактабдаги ва маҳалладаги тенгдошларига ҳам ўргатишга қарор қилишди.
