Яна бир Меҳрибонлик уйи собиқ битирувчисининг орзуси рўёбга чиқди
Маҳлиёхон Обидова 1995 йилда Қўқон шаҳрида туғилган. Болалигида ота-онасидан ажралганидан сўнг, 12-сонли Меҳрибонлик уйида тарбияланган.
2012 йилда 18 ёшга тўлганидан кейин у ётоқхонага жойлаштирилган ва ҳозирга қадар шу ерда турмуш ўртоғи ҳамда фарзанди билан яшаган.
Ётоқхонадаги хона таъмирталаб бўлиб, ошхонаси, ҳаммоми ва ҳожатхонаси умумий ва санитария-гигиена талабларига ҳам жавоб бермайди.
Миллий гвардия ва маҳаллий ҳокимият вакилларидан иборат ишчи гуруҳ томонидан Маҳлиёнинг яшаш шароити ўрганилганидан кейин, юқоридагилар инобатга олинган ҳолда, у уй-жойга муҳтож бўлган 30 ёшгача бўлган таълим муассасаларининг собиқ битирувчилари рўйхатига киритилди.
Ҳамкорликда амалга оширилган ишлар самарасида Меҳрибонлик уйи собиқ тарбияланувчисининг 10 йиллик орзуси ушалди.
Қўқон шаҳар ҳокими ва Миллий гвардия Фарғона вилояти бошқармаси бошлиғининг ўринбосари иштирокида қаҳрамонимизга Қўқон шаҳри “Олтин водий” маҳалла фуқаролар йиғинидан хонадон калитлари топширди.
– Энди мен ҳам оилам билан барча шароитга эга ўз хонадонимда яшайман , – дейди Маҳлиёхон Одибова. Орзуларимни амалга ошишига яқиндан ёрдам берганларга чин дилдан миннатдорчилик билдираман.
