ЯНГИ ЎЗБЕКИСТОНДА ЭЛ АЗИЗ, ИНСОН АЗИЗ!
Юртимиз келажаги бўлмиш ҳар бир ўсиб келаётган ёшларнинг ҳаётда муносиб ўрин эгаллаши айни чоғда жамият ва давлатнинг доимий эътиборидаги устувор масала ҳисобланади. Уларни касб танлашга йўналтириш эса муҳим аҳамиятга эга. Куни кеча Сирдарё вилояти бўйича Миллий гвардия бошқармасида мустақиллигимизнинг 31 йиллиги муносабати билан "Янги Ўзбекистонда эл азиз, инсон азиз шиори остида" очиқ эшиклар куни" ташкил этилди. Республика ўғил болалар ўқув-тарбия муассасаси тарбияланувчилари иштирок этган тадбир давомида ҳарбий хизматчилар билан учрашиб, уларнинг ҳарбий машғулотлари, энг сўнги замонавий қуроллар ва ҳарбий техникалар билан танишишди, ҳамда ўзларини қизиқтирган саволларига батафсил жавоб олишди. Шунингдек, қахрамонлар майдончасини зиёрат қилиб, Ҳ.Суяров ва Х.Суюновларнинг кўрсатган жасоратларини яна бир бор ёд этишди. Сўнгра ҳарбий қисм кутубхонасида энг сўнги жаҳон ҳамда ўзбек адабиёти дурдоналари билан яқиндан танишишди. Кейинги манзил вилоятимизда жойлашган IT парк марказида давом этиб, саёҳат давомида болаларга у ерда қандай тўгараклар фаолият кўрсатиши, машғулотлар қай тарзда олиб борилаётгани, олинган билимлар келажакда нечоғлик фойдали эканлиги ҳақида сўзлаб берилди. Шу билан бир қаторда, болажонларни тўгаракдаги машғулотларга қизиқтириш, ўз иқтидорини синаб кўриш имкониятини яратиш мақсадида тўгарак сардорлари томонидан болалар билан синов дарслари ўтказилди.
Тадбир сўнгида "Ёш китобхон" танлови ғолиби, "Мард ўғлон" давлат мукофоти соҳиби Ёрқинжон Ҳайитбоев билан учрашув ташкил этилди. Ёрқинжон ўзининг шеърлари ва тренинги билан иштирокчиларда ёруғ келажакка ишонч ҳиссини янада кучайтириб, катта таассуротлар оғушида янги марраларга интилиш лозим эканлигини таъкидлаб ўтди.
