Варшавадаги IX жаҳон чемпионатида иштирок этган 22-сонли Меҳрибонлик уйининг ёш футболчилари Ўзбекистонга қайтиб келишди
Бугун Ислом Каримов номидаги “Тошкент” халқаро аэропортида 22-сонли Меҳрибонлик уйи раҳбарияти, тарбияланувчилари ва Миллий гвардия вакиллари Варшава (Польша) шаҳрида Меҳрибонлик уйлари жамоалари ўртасида футбол бўйича IX Жаҳон чемпионатида иштирок этиб, қайтиб келган футболчиларимиз жамоасини тантанали равишда кутиб олишди.
Чемпионатда Португалия, Хорватия, Япония, Тайланд, Иордания, Туркия, Германия, Босния ва Герцеговина, Чехия, Словакия, Украина, Словения, Венгрия, Мальта ва бошқа 26 мамлакатдан Меҳрибонлик уйлари терма жамоалари иштирок этди. Ўзбекистон терма жамоаси Марказий Осиё мамлакатларидан ягона жамоа бўлди.
Бизнинг ёш футболчиларимиз гуруҳ босқичида ажойиб натижаларга эришишди. Улар бешта ўйинда ғалаба қозонишди:
Ўзбекистон 7 – 0 Сенегал;
Чехия 0 – 0 Ўзбекистон;
Ўзбекистон 4 – 0 Македония;
Мальта 1 – 3 Ўзбекистон;
Монтенегро 0 – 6 Ўзбекистон.
Хужумчилар Тошмуҳамедов Данил рақиб дарвозасига 7 марта гол урган бўлса, Ёқубов Санжар 5 маротаба рақиб дарвозасини ишғол қилди.
Шу тариқа Ўзбекистон терма жамоаси кейинги босқичга йўл олди. Афсуски, Тайланддан келган жамоа билан биринчи ўйинда йигитларимиз 0:1 ҳисобида мағлубиятга учраб, 7-ўринни эгаллади.
Терма жамоамиз мураббийи Абдулазиз Маннаповнинг сўзларига кўра, "Болалар муносиб ўйнашди. Ўтган йили биз иккинчи ўринни эгаллаган эдик. Нима учун улар турнир жадвалида фақат 7-ўринни эгаллашга муваффақ бўлишди? Ростини айтганда, бироз омад етмади. Эндиликда, биз хатолар устида ишлаймиз, кейинги чемпионатда катта натижаларга эришиш учун машғулотларни кучайтирамиз."
