Рўзибоевлар оиласи фарзандларининг ИТ соҳасига бўлган қизиқиши қандай қўллаб-қувватланмоқда
Миллий гвардия Фарғона вилояти бўйича бошқармаси мутахассис-психологлари Рўзибоевлар оиласи фарзандлари билан психологик суҳбат ва тест ўтказдилар. Болаларнинг психологик ва руҳий ҳолати билан бир қаторда уларнинг санъат ва ахборот технологиялари йўналишларига бўлган қизиқишлари ҳам ўрганилди. Аниқландики, болаларнинг аксарият қисми информасион технологиялар – ИТ соҳасига қизиқишлари жуда юқори экан. Болаларнинг таъкидлашича, ушбу соҳа орқали инсон ўзидаги ижодий салоҳиятни кашф этиш билан бир қаторда, сизга мос келадиган йўналиш технология билан боғлиқми ёки гуманитар фанларга мойиллигингиз борми – текшириб олишингиз мумкин. Миллий гвардия психологлари компьютер технологияларини ўрганиш тўгарагининг иш бошлашига ўз ҳиссаларини қўшдилар.
Болалар ҳозирда СорелДРАВ дастури доирасида график редактор нима, вектор графикаси қандай ишлайди сингари саволларга жавоб изламоқдалар. "Бизнинг мақсадимиз – яна бошқа, кўп ишлатиладиган дастурларни ўрганиш, - дейди Рўзибоевлар фарзандлари. - ИТ соҳаси қизиқ бўлиши билан бир қаторда, келажакда масофадан туриб ишлаш имкониятини бериши билан афзалдир".
