МЕН КИМ БЎЛАМАН? МЕН ҚАНДАЙ ИНСОН БЎЛАМАН?
3.12.2021
2225
Куни кеча Самарқанд Давлат тиббиёт институти талабалари ва ўқитувчилари Самарқанд шаҳридаги 1-Меҳрибонлик уйига ташриф буюрдилар. Улар шифокор касби ҳақида, қандай мутахассисликлар борлигини ва қайси факультетларда окулист ёки жарроҳлар, педиатрлар ёки терапевтлар ўқитилиши кераклигини болаларга сўзлаб беришди. Бўлажак шифокорлар ўз ташрифларини "Келажакда мен ҳам шифокор бўламан" деб аташди.
Ўғил-қизлар талабаларни катта қизиқиш билан тинглашди, сўнгра қизиқтирган саволларга жавобларни олишди. Кўриниб турибдики, уларнинг барчаси келажакда одамларни даволашни, одамларни соғлом сақлашга ёрдам беришни хоҳлашади.
Тадбир якунида болалар янги дўстларига шифокорлар ҳақида шеърлар ўқиб, қўшиқлар куйлашди ва рақсга тушишди.
