"Китоб оқшоми" фестивали ғолиблари тақдирланди.
Президентимиз томонидан илгари сурилган бешта ташаббуснинг тўртинчи йўналиши – ёшлар маънавиятини юксалтириш, улар ўртасида китобхонликни тарғиб қилиш мақсадида Халқ таълими вазирлиги ҳузуридаги Республика болалар кутубхонаси билан ҳамкорликда 22-сонли Меҳрибонлик уйи тарбияланувчилари ўртасида бир ҳафта давомида “Китоб оқшоми” фестивали ўтказилган эди.
Жорий йилнинг 6 июнь куни мазкур Меҳрибонлик уйига қарашли “Гулбаҳор” болалар соғломлаштириш оромгоҳида “Китоб оқшоми” фестивалининг якуний босқичи ва ғолибларни тантанали тақдирлаш маросими бўлиб ўтди. Унда Миллий гвардия Тошкент шаҳри бўйича бошқармаси бошлиғининг ўринбосари подполковник А.Мавлонов, 22-сонли Меҳрибонлик уйи директори ўринбосари И.Давлатов иштирок этди. Фестивалда “Эртаклар билимдони”, “Менинг кутубхонам”, “Энг яхши кутубхон” ва бошқа йўналишлар бўйича иштирок этган фаол билимдон ёшлар қимматбаҳо совғалар билан тақдирландилар.
Тадбир давомида Миллий гвардия Ашула ва рақс ансамбли ёш санъаткорлари ўз чиқишлари билан барчага байрамона кайфият улашдилар.
