“Китоб ва китобхонлик-инсон маънавияти кўзгуси” шиори остида болажонларга китоб улашиш акцияси бўлиб ўтмоқда
Буюк шоир ва мутафаккир Алишер Навоий ҳазратлари ёзганидек, “Китоб – беминнат устоз, билим ва маънавий юксалишга эришишнинг энг асосий манбаи”дир.
Миллий гвардия Фарғона вилояти бўйича бошқармаси ҳарбий хизматчилари, Республика Маънавият ва маърифат маркази вилоят бўлими вакиллари томонидан Валиевлар оиласи фарзандларига бадиий китоблар тўплами тақдим этилди.
Шуни таъкидлаш жоизки, “Маънавият оиладан бошланади” мавзусида маърифат ойлигини ташкил этиш бўйича чора-тадбирлар режаси ижросини таъминлаш мақсадида вилоятларда Оилаларга "Маърифат улашиб" китоб акцияси ўтказилмоқда.
Акция доирасида мамлакатимизнинг етакчи нашриётлари томонидан чоп этилган болалар адабиётлари, миллий ва жаҳон адабиётини ўзида жамлаган 100га яқин китоблар жамланмаси болажонларга топширилди.
