“Зомин” оромгоҳи тарбияланувчилар учун ўз эшикларини очди
“Зомин” болалар оромгоҳи бу мавсумда ҳам кўплаб дам олувчиларни ўз бағрига олмоқда.Уларнинг кўпчилигини Сирдарё вилоятида фаолият юритаётган “Оилавий болалар уйи”нинг тарбияланувчилари ташкил этади.
38 нафар йигит-қизларнинг ёзги таътилдаги бўш вақтларини мазмунли ташкил этиш мақсадида оромгоҳга йўл олган болажонлар вилоят Ҳокимлиги, Миллий гвардия Сирдарё вилояти бўйича бошқармаси ва Қўриқлаш бошқармаси билан ҳамкорликда дам олишга юборилган бўлсалар, бу ерда турли қизиқарли машғулотлар, тўгаракларда ўзлари қизиқган турли йўналишларда шуғулланиб бўш вақтларини мазмунли ўтказиш имконига эга бўладилар.
Энг асосийси, бу масканда болалар тенгдошлари билан танишиб,янги дўстлар орттирадилар, ўз қизиқишларини ҳамда истеъдодларини намойиш этиш имкониятига эга бўладилар.
