"Меҳр дафтари": муаммоларни ҳал қилиш ва болалар истакларини амалга ошириш
Мамлакатимизда етим ва ота-она қарамоғидан маҳрум бўлган болаларнинг муаммоларини ўрганиш ҳамда ҳал этиш, орзу-истакларини рўёбга чиқариш, жамиятга, ижтимоийлашувига кўмаклашиш, уларни ҳар томонлама қўллаб-қувватлаш мақсадида Ўзбекистон Республикаси Вазирлар Маҳкамасининг “Етим болалар ва ота-она қарамоғидан маҳрум бўлган болаларни ҳар томонлама қўллаб-қувватлашга қаратилган “Меҳр дафтари” тизимини жорий етиш чора-тадбирлари тўғрисида“ги Қарорига мувофиқ ислоҳотли ишлар давом эттирилмоқда.
Хусусан, куни кеча Андижон вилояти Избоскан туманида мазкур тизимга киритилган 28 нафар болаларга ноутбук, духовка, тикув машиналари, дона кийим жавони, стол ва стул, велосипед,мульти культиватор,телевизор, микротўлқинли печь, мини инкубатор ва кир ювиш машинаси туман ҳокими бошчилигида ҳокимият вакиллари, Болаларни ҳимоя қилиш шўбаси мудири ҳамда туман «Қўриқлаш» бўлими бошлиғи томонидан тантанали тарзда топширилди.
