“Меҳр дафтари”даги 18 нафар ўғил-қизнинг орзу-истаги ушалди
Давлатимиз раҳбари ташаббуси билан юртимизда етим ва ота-она қарамоғидан маҳрум бўлган болалар алоҳида эътиборга олиниб, уларни давлат томонидан қўллаб-қувватланиши бўйича “Меҳр дафтари” платформаси жорий қилингани ўз самарасини бермоқда.
Жумладан, Когон шаҳрида айни кунда қонуний тартибда оилага тарбияга олинган 18 нафар вояга етмаган ўсмирнинг кундалик яшаш тарзи, таълим-тарбияси ва моддий таъминоти доимий назоратга олинган бўлиб, улар дуч келаётган ташвиш ва муаммоларни жойида ўрганиш ва орзу-истакларини рўёбга чиқаришга қаратилган хайрли амалларга гувоҳ бўлиш мумкин.
— Фарзандларимиз алоҳида меҳр ва эътибор қуршовида эканликлари баробарида давлат ва жамиятимизнинг доимий кўнгил сўраб, рағбатлантиришларидан баҳраманд ҳолда ўсиб – улғаяётганликлари келгусида албатта, уларнинг шу юрт корига камарбаста бўлишларига ишонч туғдиради, – дейди оилага тарбияга олган, тутинган ота-оналардан бири Ҳошим Худойқулов. — Айтиш жоизки, бу жиҳозлар болажонларнинг ҳеч нарсага зориқмай катта бўлишлари, таълим-тарбия олишлари ва ҳаётда ўз касб-корларини танлашлари учун хизмат қилади.
