«Меҳр дафтари» болалар орзусини амалга оширишга кўмаклашмоқда
Қўқон шаҳрида жойлашган Миллий гвардия Фарғона вилояти бўйича бошқармаси ҳарбий қисмида “Меҳр дафтари” электрон платформасига киритилган болаларга қимматбаҳо совғалар тантанали равишда топширилди.
Бундан ташқари, болаларнинг сўзларига кўра ўзлари орзу қилган буюмларга эга бўлиш уларга янада катта орзуларни амалга ошириш учун жиддий қадам ташлашга имкон беради. Жумладан, махсус жиҳоз ва асбоблар ўғил болаларнинг устачилик, дурадгорлик касбларини ўрганишига, чолғу асбобига эга бўлган болалар эса мусиқа ижро этиш сирларини ўзлаштириб, келажакда яхши созанда, қўшиқчи, ҳатто бастакор бўлиб етишишига ёрдам беради. Шунингдек, болаларга канцелярия буюмлари, китоблар, велосипедлар, спорт анжомлари сингари совғалар топширилди.
Орзулар амалга ошган кун ёрқин концерт дастури билан якунланди. Шу билан бир қаторда, мазкур концерт дастурида болажонлар билан бир қаторда Миллий гвардия қўмондони ўринбосари полковник С. Мамаюсупов ва Жамоат хавфсизлиги университети бошлиғи полковник М. Рустамбоевлар ҳам иштирок этдилар.
