«Меҳр дафтари» электрон платформасига киритилган 45 нафар боланинг орзуси амалга оширилди
Фарғона вилояти Фурқат туманида ташкил этилган оилавий болалар уйи фарзандлари, шунингдек, васийлик ёки ҳомийлик остида вояга етаётган болаларнинг муаммолари, хоҳиш-истакларини ўрганиш бўйича олиб борилаётган ишлар ёшларнинг эҳтиёжларини қондириш, ўғил-қизларни ҳар томонлама қўллаб-қувватлаш, уларни касб-ҳунар эгаллашга, билим доирасини кенгайтиришга, ўзларини қизиқтирган ҳунармандчилик кўникмаларига эга бўлишга интилишларини рағбатлантириш имконини бермоқда.
Жумладан, вилоят ҳокимлиги, Миллий гвардия Фарғона вилояти бўйича бошқармаси ва бошқа манфаатдор тузилма вакиллари бугунги кунда “Меҳрибонлик” уйининг собиқ тарбияланувчилари хонадонида бўлиб, самимий суҳбат қурилди. Шу куни "Меҳр дафтари" жамғармасидан васийликка олинган ёшнинг қизиқишларини инобатга олган ҳолда тикув машинаси берилди.
Шу кунга қадар "Меҳр дафтари"га киритилган 45 нафар болаларнинг талаб ва истакларини инобатга олган ҳолда 12 та тикув машинаси, 15 та ноутбук, 2 та компютер жамланмаси ва керакли ускуналар, 1 та скутер, 2 та соябонли ўриндиқлар, 1 та кондиционер, спорт ва ошхона анжомлари, чолғу асбоблари, юмшоқ ўйинчоқлар тўплами, кийим-кечаклар, коммунал тўловини тўлаш, даволаниш ҳаражатлари учун моддий ёрдам пуллари берилди.
