“Меҳр дафтари” ҳар бир ёшнинг орзуларини рўёбга чиқармоқда
Давлатимиз раҳбарининг ташаббуси билан ота-она қарамоғидан маҳрум бўлган, кўмакка муҳтож етим болаларни рўйхатга олиш ва манзилли кўмак кўрсатишни йўлга қўйиш мақсадида “Меҳр дафтари” платформаси ишга туширилган эди. Мазкур платформага бугунги кунда Ромитан туманида 16 нафар йигит-қизлар киритилган бўлиб, уларга амалий ёрдам кўрсатиш ишлари олиб борилмоқда.
Хусусан, шу кунгача мазкур жамғарма томонидан 11 нафар етим ва ота-она қарамоғидан маҳрум бўлган болаларнинг орзу-истаклари ўрганилиб, “Меҳр дафтари” жамғармаси маблағи ҳисобидан 28 млн сўм маблағ ажратилган ва уларга 6 дона замонавий ноутбук ҳамда 5 та ётоқ учун диван мебеллари топширилган эди.
Куни кеча Ромитан тумани ҳокимлиги ва Бухоро вилояти ҳокимлиги Болаларни ҳимоя қилиш масалалари котибияти билан ҳамкорликда платформага киритилган 5 нафар йигит-қизларга “Меҳр дафтари” жамғармаси ҳисобидан 20 миллион сўм маблағ ажратилди ва 3 дона замонавий ноутбук, 2 та ётоқ учун диван мебеллари ва дарс тайёрлаш учун махсус жиҳозлар ҳамда устки кийим бошлар топширилди.
Бу каби саховат тадбирлари ижтимоий ҳимояга муҳтож аҳолини жамиятда ўз ўрнини топишларига кўмаклашиш ҳамда уларни ҳар жиҳатдан қўллаб-қувватлаш намунаси бўлиб хизмат қилмоқда
