Меҳрибонлик уйлари битирувчилари уй-жой билан таъминланмоқда
22 ёшли Шохрух Мамажонов Марғилон шаҳридаги 1-сонли Меҳрибонлик уйи тарбияланувчиси бўлиб, у 3 йил муқаддам мазкур даргоҳни битирган эди. Андижон шаҳридаги Болалар шаҳарчасида тарбияланган Исломек Элмуродов бу йил 29 ёшга тўлди. Йигит бундан 13 йил муқаддам балоғат ёшига етганидан сўнг, муассасани тарк этган, кейинроқ Фарғона вилоятида истиқомат қилган. Шу йиллар давомида ёшлар ўз хонадонига эга бўлишларини интизорлик билан кутдилар.
Давлатимиз раҳбарининг 2022 йил декабрь ойида Тошкент шаҳри Учтепа туманига ташрифи якуни бўйича ўтказилган йиғилишда Меҳрибонлик уйлари битирувчиларининг яшаш шароитларини зудлик билан ўрганиш ҳамда мавжуд муаммоларни бартараф этиш вазифаси қўйилганидан сўнг, вазият тубдан ўзгарди…
Бугун туман ҳокими, сектор раҳбарлари, Миллий гвардия ва кенг жамоатчилик вакиллари иштирокида Марғилон шаҳрида янги қуриб битказилган ҳамда тўлиқ жиҳозланган хонадон калитлари Шохрух ҳамда Исломбекка topshirildi.Qahramonlarimizdan таассуротларини сўрашганида улар катта ҳаяжон билан кўрсатилаётган эътибор ва ғамхўрлик учун Президентимиз ҳамда масъул раҳбарларга ўзларининг чексиз миннатдорчилигини изҳор қилди.
