«Меҳрибонлик» уйларининг собиқ битирувчилари янги хонадонлар билан таъминланди
Давлатимиз раҳбари топшириғига асосан, Миллий гвардия ва ҳокимлик органлари вакилларидан иборат ишчи гуруҳ томонидан 30 ёшгача бўлган Меҳрибонлик уйи собиқ битирувчиларининг турмуш шароитини ўрганиш бўйича ишлар амалга оширилди. Органишлар давомида уй-жой билан таъминланмаган ёки яшаш учун мўлжалланмаган, шунингдек, белгиланган санитария-гигиена талабларига, ёнғин хавфсизлиги қоидаларига жавоб бермайдиган биноларда яшовчилар ройхати шакллантирилди. Меҳрибонлик уйи собиқ битирувчиларини уй-жой билан таъминлаш масаласини ҳал этиш бўйича чоралар кўрилмоқда, деб хабар беради Mehribonlik.uz сайти.
Бугун Тошкент вилояти Оҳангарон шаҳрида Меҳрибонлик уйининг собиқ битирувчилари Азиза Қаюмова ва Гўзал Шарипова ўз хонадонларига эга бўлишди.
Азиза 15-сонли Меҳрибонлик уйи тарбияланувчиси. Уч фарзандини ёлғиз тарбиялаётган Азиза август ойида 30 ёшга тўлади. Сўнгги йилларда у узоқ қариндошиникида яшаб келган. Қариндошнинг уйи катта эмас – беш хонали. Аммо у эрда 11 кишидан иборат катта оила яшайди.
Азиза болалари билан ошхона учун молжалланган хонадан қоним топди. Албатта, бу ердаги шароит стандартларга умуман жавоб бермайди. Азиза бутунлай умидини узди, чунки қурилиш материаллари дўконида фаррош бўлиб ишлаган аёлнинг маошига уй сотиб олишнинг иложи йўқ эди.
Гўзал ҳам Азизага сингари уч фарзандини ёлғиз тарбиялаб келмоқда. У 14-сонли Меҳрибонлик уйида улғайган ва онасиз болага қанчалик оғир эканлигини яхши билади. Айни вақтда Гозал бола парваришлаш учун туғруқ таътилида. 26 ёшли қаҳрамонимиз узоқ йиллар давомида алоҳида ҳаммом ва ҳожатхонаси бор бўлган қулай хонадонга, ўз ошхонасига эга бўлишни орзу қилган. У ҳожатхона ва ошхонаси умумий бўлган, бироқ ҳаммоми умуман болмаган ётоқхонада яшашдан чарчаган эди.
Бугун қаҳрамонларимиз ҳар қачонгидан ҳам бахтли: улар Оҳангарон шаҳридаги «Ёшлик» маҳалласидан бир хонали уйга эга бўлишди.
Янги хонадонлар калити Тошкент вилояти ҳокимлиги мутасаддилари , Оҳангарон шаҳар сектор раҳбарлари, маҳалла фаоллари ҳамда кенг жамоатчилик вакиллари иштирокида ўз эгаларига тантанали топширилди.
