"Ёшлар маркази" Нурафшон аҳлининг диққатига сазовор бўлди
Касб танлаш ҳар бир инсон ҳаётидаги энг муҳим танловлардан биридир. Касб-ҳунар нафақат даромад манбаи, балки инсон ҳаётда ўз ўрнини топишига, истеъдод ва қобилиятларини рўёбга чиқаришига ёрдам беради.
Миллий гвардия Тошкент вилояти бўйича бошқармаси психологлари томонидан Нурафшон шаҳридаги Оилавий болалар уйларининг фарзандлари билан очиқ мулоқотлар ўтказилиб, касб танлаётганларида тушунчаларга эга бўлишлари учун "ёшлар маркази" га саёҳат ташкил этилди.
Болажонларнинг қизиқишлари ҳам турли хил: кимдир роботларга қизиқади, кимдир радиоэлектроника ва дастурлашни яхши кўради, баъзилари эса кесиш, тикиш, моделлаштириш каби ҳунарларни ўзлаштиришни хоҳлайди.
Ўтказилган машғулотларга болажонлага олам-олам завқ берди. Куннинг иккинчи ярмида барча кутубхона томон йўл олди.Илмий ва бадиий адабиётлар, дарсликларга бой бўлган мазкур кутубхонада барча иштирокчилар ўзларига керакли бўлган маълумотларга эга бўлишди.
