Миллий гвардия ҳарбий хизматчи ва ходимлари оилавий болалар уйлари аъзоларини байрам билан табриклади
Бу йил муқаддас Қурбон Ҳайити байрамидан сўнг, яна бир муҳим сана – Ёшлар куни нишонланди. Байрамлар муносабати билан Миллий гвардия Бухоро вилояти бўйича бошқармаси ҳарбий хизматчилари ва ходимлари вилоятдаги оилавий болалар уйларида бўлиб, болажонлар ва уларнинг ота-оналарини табриклаб, совға-саломлар улашдилар. Ташриф давомида ҳарбий хизматчилар болалар билан суҳбатлашиб, байрамлар, миллий анъаналар, урф-одатлар, қадриятлар, давлатимиз томонидан навқирон авлод, ёшларга кўрсатилаётган эътибор ва ғамхўрлик ҳақида сўз юритдилар.
Таътилни ёзги оромгоҳларда ўтказаётган болалар ҳам эътибордан четда қолмади.
Болаларнинг қувончли чеҳраларига боқиб, кўзларидаги қувончни кўриб, Миллий гвардия ходимлари болалар учун, умуман, инсонлар учун энг қимматли совға – эътибор, меҳр ва ҳурмат эканига яна бир бор амин бўлишди.
