Миллий гвардия Хоразм вилояти бўйича бошқармаси инспектор-психологлари 27-мактабнинг 8 ва 9-синф ўқувчилари Алишер, Бехруз шунингдек, 31-мактабнинг 9-синф ўқувчи қизи Уғилжон ҳамда 7-мактабнинг 9-синф ўқувчиси Норжонларнинг яшаш хонадонларида бўлишди.
Янгиариқ туманида истиқомат қилувчи ушбу ёшлар саломатлиги туфайли мактабга бораолмасдан, бугунда уйда ўқитилмоқда. Уларнинг яшаш хонадонига ташриф буюрган инспектор-психологлар ўғил-қизларнинг ўзини қандай ҳис қилаётгани, машғулотлар қандай ўтаётгани, машғулотлар учун зарур бўлган ўқув қуроллари ва зарурий эхтиёжларга эга эканлиги, мисол учун, тиббий муассасага ташриф ташкил этишда ёрдамга муҳтожми ёки йўқлигини ўрганишди. Бу болалар ҳақиқатан ҳам қўллаб-қувватлашга муҳтож, биринчи навбатда психологик, уларга ҳаётда доимо ўз ўрнини топишини ва қобилиятларини рўёбга чиқара олишига туртки бериш зарур.
Учрашувнинг яна бир муҳим жиҳати ўсмирлар билан суҳбат, қизиқарли китоб ва фильмлар, севимли машғулотлари ва орзулари муҳокамаси бўлди.
Кўпинча яқинлари билан ҳамсуҳбат бўлган йигитлар ходимлар билан гаплашганда, қувончли лаҳзалар ва тажрибалар билан ўртоқлашишдан, касаллик туфайли бора олмаган мактабдаги янгиликларни сўрашдан хурсанд бўлишди.
Албатта инспектор-психологлар келгусида ҳам ўғил-қизларнинг ўз кучига бўлган ишончини оширишга ёрдам бериш мақсадида суҳбатлар, психологик тренинглар ўтказишда давом этади.
Муқаддас Рамазон ойида инспектор-психологлар болаларни совғалар – қизиқарли китоблар ва ўқув адабиётлари, ширинликлар ва мевалар билан хурсанд қилишгани эса таҳсинга лойиқдир.
Саҳифадаги хатолар бўйича манзил:
Матн хато билан:
Сизнинг изохингиз ёки тўғри версия:
