Миллий гвардия томонидан ташкил этилган ёшлар билан учрашувда ҳуқуқни муҳофаза қилиш идоралари ҳамда бир қатор ташкилот ва муассасалар вакиллари иштирок этди
Наманган вилоятида "Қўриқлаш" бошқармаси Касаба Уюшмалари Федерациясининг вилоят Кенгаши билан ҳамкорликда ёшлар учун спорт ва маданий тадбирларни мунтазам ташкил этади. Ташкилотчиларнинг асосий мақсади ёш авлодни ватанпарварлик руҳида тарбиялаш ва ёзги таътил пайтида мактаб ўқувчиларининг фойдали ва қизиқарли дам олишлари учун шароит яратишдан иборат. Миллий гвардия ва касаба уюшма ташкилоти аъзоларининг ташаббусларига бошқа идоралар ҳам қўшилади.
Хусусан, "Раҳбар ва ёшлар" йиғилишида ички ишлар бошқармалари, божхона қўмитаси, соғлиқни сақлаш соҳаси, уй-жой қурилиши ва қишлоқ хўжалиги, автомобилсозлик, Чуст тумани болалар ва ўсмирлар спорт мактаби ҳамда бошқа ташкилот ва муассасаларнинг масъул ходимлари иштирок этди. Учрашув қизиқарли мулоқот кўринишида бўлиб ўтди. Ёшлар таълим олиш имкониятлари, шу жумладан, касб-ҳунар, ишга жойлашиш, шунингдек, учрашувда иштирок этган идоралар ва ташкилотларга ишга кириш имкониятларига катта қизиқиш билдиришди.
Тадбирнинг расмий қисмидан сўнг, ёшлар учун стол тенниси, шахмат ва шашка бўйича мусобақалар ташкил этилди.
Кун дастури фаол ёшлар ва спорт мусобақалари ғолибларини тақдирлаш маросими билан якунланди.
