Янги йил байрами тадбирлари доирасида тизимдаги гвардиячи ва ходимларнинг оила аъзолари учун ташкиллаштирилган мазкур саҳна асари, болажонларга байромана туҳфа бўлди. Томоша давомида Қорқизнинг Янги йил арафасида бошидан кечирган қизиқарли ва ибратли воқейликка бой бўлган саҳна кўринишлари ранг-баранг либослар ҳамда қувноқ мусиқалар орқали жонли намойиш этилди. Театр актёрлари ва актирисалари томонидан юқори маҳорат ҳамда замонавий ёндашувлар асосида ижро этилган ҳар бир саҳна кўриниши, томошабинларда унутилмас таассуротлар қолдирди. Болажонларнинг қувончли кулгулари ва олқишлари тадбирга янада самимийлик ва байрамона кайфият бағишлади.
Театрнинг саҳна кўринишларида дўстлик, меҳр-оқибат, яхшилик ва ҳалоллик каби эзгу ғоялар тарғиб этилиб, унда болажонларни ўз орзуларига эришишлари учун китоб ўқишга ва билим олишга, шунингдек ростгўйлик орқали ёмон иллатлар устидан ғалаба қозониш мумкинлиги уқтирилди. Томоша давомида ижодкорлар болажонларни ҳам турли савол-жавоблар билан фаол иштирокларини таъминлаган ҳолда қувноқ куй ва қўшиқларга бирга рақс тушганликлари янада эсда қоларли бўлди ва театр санъатининг ёш авлод тарбиясидаги муҳим ўрнини яна бир бор намоён этишди.
Шунингдек, тадбир доирасида китоб ярмаркаси ҳам ташкил этилди. Ярмаркада болалар ва катталар учун мўлжалланган бадиий ҳамда маърифий китоблар намойиш этилиб, иштирокчилар ўзларига манзур адабиётларни харид қилиш имкониятига эга бўлдилар.