Миллий гвардия кўмагида яна бир Меҳриболик уйи тарбияланувчисининг никоҳ тўйи ўтказиб берилди.
Шерматов Мўминтой Марғилон шаҳаридаги 1-Меҳрибонлик уйини тамомлаб Ўзбекистон Республикаси Қуролли кучлар академиясига ўқишга қабул қилинади. Ўқишни тугатгач Фарғона вилояти Миллий гвардия бошқармаси бошлиғи Шавкат Aкбаровга мурожаат қилиб, уйланиш истагидалигини, аммо уй- жойи йўқлигини, айни дамда ишсиз юрганини айтади.
Бошқарма бошлиғи мурожаат бўйича иш олиб бориб Президентнинг “Ота – она қарамоғидан маҳрум бўлган болаларга уй жой бериш тўғрисидаги 5216—сонли қарори бўйича (барча шароитларга эга)уй –жойини беради. Фарғона шаҳар ҳокимлиги томонидан тўй учун зарур бўлган мебеллар ва уй –жиҳозлари олиб берилади. Мўминтой Фарғона вилояти Миллий гвардия бошқармасига лейтенант унвони билан тўғридан –тўғри ишга қабул қилиниб харбий соҳада ўз фаолиятини бошлайди.
Куни кеча эса, Фарғона вилояти Миллий гвардия бошқармаси бошлиғи Шавкат Aкбаров бошчилигида ва ҳамкор ташкилотлар ҳомийлигида Мўминтойнинг никоҳ тўйи тантанали ўтказилди.
-Aгар миллий гвардия ўз қарамоғига олмаганида, бу тизимга ишга жойлашмаганимда ким бўлардим ҳайронман…Тўйим ҳам бу даражада юқори савияда ўтмас эди. Шукур бугун ватан ичра ватаним бўлган ўз уйимга эгаман. Ислоҳотларни бошида турган Президентимиз Шавкат Мирзиёевга чексиз ташаккур билдириб қоламан. Бугун гвардия раҳбаридан тортиб ҳодимларигача, тўйимга бош бўлиб тургани мени янада қувонтирди…Она ватанимга садоқат билан хизмат қиламан –дейди М.Шерматов.
Дарҳақиқат бугун ота-она қарамоғидан мосуво бўлган Мўминтой каби болаларнинг давлат томонидан қўллаб –қувватланиши, имтиёзлар асосида, ижтимоий ёрдамлар кўрсатилиши ҳақиқий ислоҳотдир. Бугунги кун таърифи билан айтганда ушбу қатламга, ижтимоий адолат принцплари қўлланилмоқда десак муболаға бўлмайди.
Эслатиш жоизки Миллий гвардиянинг Фарғона вилояти бошқармаси кўмагида никоҳи тўйи ўтказиб берилган “Президент фарзандлари”нинг сони бисёрдир.
Президентнинг 2021-йилдаги "Меҳрибонлик уйлари тизимини тубдан ўзгартиришга оид "қарори билан бу соҳага Миллий гвардияни маъсул этиб белгиланиши Меҳрибонлик уйини битириб кетган собиқ тарбияланувчилар мустақил ҳаётида муҳим рўл ўйнамоқда. Қарорларнинг ижроси таъминланаётгани кўриб беихтиёр қувонасан киши.Тинч юртга тўйлар ярашади.
