Оилавий болалар уйлари фарзандлари чуқурлаштирилган профилактик тиббий кўрикдан ўтказилмоқда
Миллий гвардия Жиззах вилояти бўйича бошқармаси томонидан ижтимоий ҳимоя ва соғлиқни сақлаш бошқармалари билан ҳамкорликда вилоятда ташкил этилган Оилавий болалар уйлари фарзандлари чуқурлаштирилган тиббий кўрикдан ўтказилди.
Болалар етакчи мутахассислар – педиатр, офтальмолог, ЛОР, стоматолог шифокорлари ва тиббиётнинг бошқа йўналишлари бўйича кўрикдан ўтишди. Болалар тиббий анализ топшириб, махсус жиҳозлар ёрдамида керакли текширувлардан ўтказилди.
Тиббий кўрикдан кўзланган асосий мақсад касалликларни дастлабки босқичларида аниқлаш, шунингдек, саломатликни сақлаш, соғлом турмуш тарзининг аҳамияти, ўсаётган организмни мустаҳкамлашда спорт ва жисмоний фаолликнинг аҳамияти мавзуларида профилактик суҳбатлар ташкил этиш эди.
Оилавий болалар уйлари фарзандлари иштирокида бу каби тадбирлар республикамизнинг бошқа ҳудудларида ҳам ўтказилмоқда.
