Ўзбекистон Республикаси Жамоат хавфсизлиги университети “Ҳарбий-ватанпарварлик, маънавий-маърифий тарбия ва ёшлар билан ижтимоий ишлаш” кафедраси профессор-ўқитувчилари ва Сирдарё вилояти Миллий гвардия бошқармаси ташаббуси билан Сирдарё вилояти мусиқали драма театрида “Оилавий ҳаёт кўникмалари” номли кўрик-танлов ўтказилди. Унда вилоятда ташкил этилган Оилавий болалар уйи, Бахт шаҳридаги Республика ўғил болалар ихтисослашган таълим муассасаси тарбияланувчилари ўзаро беллашдилар. 

Унга кўра,  тарбияланувчилар 3 та жамоа яъни, “Баркамол авлод”, “Китобхонлар”, “Шерюрак” жамоалари  орқали иштирок етди.

Танлов шартлари: танишув, “Ким зукко” интеллектуал беллашув, кундалик уй-рўзғор юмушларини (оилавий биргаликда - салат тайёрлаш, қизлар - соч турмаги, ўғил болалар тугма қадаш, кийим тахлаш) бажариш, ижодий мавзу шартлари бўйича беллашдилар.

Кўрик-танловда вилоятдаги барча Оилавий болалар уйи аъзолари, тутинган ота-оналар, Сирдарё вилояти Миллий гвардия баталони ҳарбий хизматчилари, ёшлар масалалари бўйича масъуллар ва оммавий ахборот воситалари вакилларидан иборат 300 нафар иштирокчилар қатнашди.  

Кўрик-танлов якуни натижасига кўра, “Баркамол авлод” жамоаси “Энг зукко жамоа”, “Китобхонлар” жамоаси эса “Энг ижодкор жамоа”, “Шерюрак” жамоаси “Энг фаол жамоа” номинациялари бўйича ғолиблар аниқланди. Кўрик-танлов ғолиблари Фаҳрий ёрлиқ ҳамда ташкилотчиларнинг эсдалик совғалари билан тақдирландилар.