Оилавий уйлар тарбияланувчилари ҳамиша эътибор марказимизда!
Миллий гвардия Фарғона вилояти бўйича бошқармаси бошлиғи ўринбосари, шахсий хавфсизлик бўлим бошлиғи, тиббиёт хизмати бўлими ходими ҳамда инспектор-психологлар вилоят бўйлаб ташкил этилган оилавий уйларга ташриф буюриб, уларнинг яшаш шароитини ўрганди.
Кун давомида:
Болаларнинг таълим олиши, ўйнаши, дам олиши ва ҳар томонлама ривожланиши учун яратилган шароитлар;
Оилавий уй ташкил этиш тўғрисидаги туман-шаҳар ҳокимларининг қарорлари мавжудлиги;
Болалар ва оила аъзоларининг тиббий кўрик натижалари;
Хонадоннинг санитария қоидаларига амал қилиши;
Болаларнинг таълим олаётган масканлари ҳамда бириктирилган инспектор-психологлар билан ҳамкорлик ўрнатилганлиги;
Ота-оналарнинг иш жойи, лавозими ҳамда ўқув-курсларида ўқиганлик сертификатлари борлиги;
янги ўқув йилига тайёрлиги, мактаб учун зарурий ўқув қуроллари билан таъминланганлиги, мавсумий кийим- кечаклар борлиги;
Болаларга бириктирилган ҳамшира ва врачлар билан ҳамкорлик ўрнатилганлиги;
Истеъмол қилинаётган озиқ-овқатлар сифати ва сақланиш шароити;
Болаларнинг компьютер, телевизор ва тезкор интернет тармоғи билан таъминланганлиги;
Зарурий дори воситалари ҳамда дори қутисининг мавжудлиги текширилди.
Бундан ташқари, болалар билан якка тартибда ва оила даврасида суҳбатлар ўтказилди. Болаларнинг муаммо ва таклифларига алоҳида эътибор қаратилиб, оиладаги ахлоқий-психологик муҳит ҳамда болалар ва ўсмирларнинг руҳий ҳолати бўйича хулосалар қилинди.
Учрашувлар якунида ота-оналарга маслаҳатлар берилиб, уларга болаларга мустақилликни ўргатиш, янги ўқув йилига тайёргарлик кўриш ва умуман, оилада ишончли, дўстона муносабатларни ўрнатиш бўйича тавсиялар берилди.
